દિવ્યાંગ લગ્ન​ સહાય યોજના (તમામ સુધારા સાથે)

દિવ્યાંગ લગ્ન​ સહાય યોજનાની ટૂંકી માહીતી

દિવ્યાંગ લગ્ન​ સહાય યોજના એ રાજયની દિવ્યાંગ બહેનોની પરિસ્થિતિ ધ્યાને લઈ તેઓ સમાજમાં સન્માનપૂર્વક જીવી શકે તે હેતુથી ૪૦ ટકા કે તેથી વધુ દરેક કેટેગરીની દિધરાવતી દિવ્યાંગ થી દિવ્યાંગ અને દિવ્યાંગથી સામાન્ય વ્યક્તિઓને લગ્ન માટે આર્થિક સહાયની યોજના તરીકે ઓળખવામાં આવશે. જેમાં દિવ્યાંગથી દિવ્યાંગના કિસ્સામાં ૧ લાખ ૫૦ હજાર તેમજ દિવ્યાંગથી સામાન્ય વ્યક્તિઓના કિસ્સામાં ૭૫ હજાર સુધીની સહાય સરકાર કોઇપણ આવક મર્યાદા ધ્યાને લીધા સિવાય આપે છે. આ યોજનાની વિગતવાર માહીતી તમામ પરિપત્રો સહીત આપની જાણકારી માટે રજૂ કરૂ છું. આશા રાખીશ કે આપને જરૂર પસંદ આવશે.

આ યોજનાની પાત્રતાની મુખ્ય શરતો :-

1. કન્યાની ઉંમર ૧૮ વર્ષથી ઉપર અને છોકરાની ઉમર ૨૧ વર્ષથી વધુ હોવી જોઈએ.
2. ૪૦ ટકા કે તેથી વધુ દિવ્યાંગતા ધરાવતા દિવ્યાંગોને આ યોજનાનો લાભ મળવાપાત્ર રહેશે.
3. આ યોજનાનો લાભ ફકત એક જ વખત (એક યુગલ દીઠ) મળવાપાત્ર રહેશે.

સહાયનું ધોરણ :-

• આ યોજના હેઠળ સહાયની રકમ
  • દિવ્યાંગથી દિવ્યાંગ વ્યક્તિના લગ્નના કિસ્સામાં
    • જો લગ્ન તા. ૦૧/૦૪/૨૦૨૫ કે ત્યારબાદ થયા હોય તો ૭૫૦૦૦/- + ૭૫૦૦૦ = ૧ લાખ ૫૦ હજાર રૂપીયા
    • જો લગ્ન તા. ૦૧/૦૪/૨૦૨૫ પહેલાં થયા હોય તો ૫૦,૦૦૦/- + ૫૦,૦૦૦/- = ૧ લાખ રૂપીયા
  • દિવ્યાંગથી સામાન્ય વ્યક્તિના લગ્નના કિસ્સામાં
    • જો લગ્ન તા. ૦૧/૦૪/૨૦૨૫ કે ત્યારબાદ થયા હોય તો ૭૫૦૦૦/- રૂ
    • જો લગ્ન તા. ૦૧/૦૪/૨૦૨૫ પહેલાં થયા હોય તો ૫૦,૦૦૦/- રૂ.

• સબંધિત જિલ્લામાં મળતી અરજીઓ પૈકી ગ્રાન્ટની મર્યાદામાં આવતી હોય તેટલી જ અરજીઓ મંજુર કરવાનું ધોરણ રાખવું.
• ગરીબી રેખા નીચે જીવતા/નબળી આર્થિક સ્થિતિ ધરાવતા અરજદારોને સહાય મંજુર કરવામાં અગ્રતા આપવાની રહેશે.

યોજનાનું અમલીકરણ. :-

• આ યોજનાનો અમલ સબંધકર્તા જિલ્લા સમાજ સુરક્ષા અધિકારીએ કરવાનો રહેશે. ઠરાવમાં નિયત કરાયેલ શરતો અને જોગવાઈઓ પ્રમાણે લાભાર્થી લાભ મેળવવાને પાત્ર છે કે કેમ તેની પુરી ચકાસણી જે તે જિલ્લા સમાજ સુરક્ષા અધિકારીશ્રીએ અરજીઓ મંજુર/ના મંજુર કરી ચુકવવાપાત્ર અરજદારોને સહાય ચુકવવાની રહેશે.
• આ અંગેનો ખર્ચ અંદાજપત્રમાં જે તે સદર હેઠળ પાડવાનો રહેશે અને તે હેઠળ દર વર્ષે આ હેતુસર કરવામાં આવતી જોગવાઈમાંથી મેળવવાનો રહેશે.

અરજી સાથે નીચે મુજબના આધાર/પુરાવાઓ સામેલ રાખવાના રહેશે. :-

1. દિવ્યાંગ ઓળખકાર્ડ અથવા સીવીલ સર્જનશ્રીના દિવ્યાંગતાના દાખલાની પ્રમાણિત નકલ.
2. બંન્નેના શાળા છોડયાનાં પ્રમાણપત્ર (સ્કુલ લીવીંગ સર્ટી.) ની પ્રમાણિત નકલ.
3. રેશનકાર્ડની પ્રમાણિત નકલ.
4. બંન્નેના સંયુક્ત ફોટા/લગ્ન કંકોત્રી.
5. લગ્ન રજીસ્ટ્રાર ઓફ મેરેજીસની ઓફીસમાં નોંધાયેલ નોંધણી પ્રમાણપત્રની પ્રમાણિત નકલ.

અરજી કરવા માટેની સમય મર્યાદા :-

લગ્નની તારીખથી બે વર્ષમાં અરજી કરવાની રહેશે.

અરજી કરવાની પધ્ધતિ :-

અરજી ઓનલાઇન https://esamajkalyan.gujarat.gov.in/ ઉપર કરવાની રહેશે તથા મંજૂર પણ ઓનલાઇન જ કરવાની રહેશેે

આવકનું ધોરણ :-

આ યોજનાનો લાભ મેળવવા માટે કોઇ આવક મર્યાદા નથી.

યોજનાને લગતા જરૂરી ઠરાવો / પરિપત્રો :-

1. 31 Jul 2014 – વિકલાંગ થી વિકલાંગ અને વિકલાંગથી સામાન્ય વ્યક્તિઓને લગ્ન માટે આર્થિક સહાયની યોજના બાબત.
2. 26 Aug 2015 – વિકલાંગ થી વિકલાંગ અને વિકલાંગથી સામાન્ય વ્યક્તિઓને લગ્ન માટે આર્થિક સહાયની યોજના બાબત.
3. 21 May 2016 – વિકલાંગ(દિવ્યાંગ) કલ્યાણની યોજનાઓમાં આવકમર્યાદા દૂર કરવા તથા સહાયની રકમમાં વધારો કરવા બાબત
4. 27 Dec 2019 – The Rights of Persons with Disibilities Act,2016 મુજબ દિવ્યાંગ કલ્યાણ યોજનાઓમાં ૨૧ પ્રકારની દિવ્યાંગતાની ટકાવારી અને શ્રેણી નક્કી કરવા બાબત.
5. 29 Jul 2020 – The Rights of Persons with Disabilities Act 2016 મુજબ દિવ્યાંગ કલ્યાણ યોજનાઓમાં ૨૧ પ્રકારની દિવ્યાંગતાની ટકાવારી અને શ્રેણીમાં સુધારો કરવા બાબત
6. 19 Oct 2020 – દિવ્યાંગ લગ્ન સહાય યોજના માં સુધારો કરવા બાબત.
7. 29 Mar 2025 – દિવ્યાંગ લગ્ન સહાયમાં વધારો કરવા બાબત.
8. 04 Apr 2025 – નવા બાબત ૧૫ ૨૦૨૫-૨૬. દિવ્યાંગ લગ્ન સહાયમાં વધારો કરવા બાબત.
9. 06 Jun 2025 – દિવ્યાંગ લગ્ન સહાયમાં વધારો કરવા બાબત.

સારાંશ :-

ગુજરાત રાજ્યમાં વસવાટ કરતી કોઇપણ દિવ્યાંગ વ્યક્તિને આવક મર્યાદા કે જ્ઞાતિ ધ્યાને લીધા સિવાય આ યોજનાનો લાભ મળી શકે છે માટે આ યોજનાને વધુમાં વધુ દિવ્યાંગ વ્યક્તિ સુધી પહોચાડવા વિનંતી.

 

Views: 99